प्रधानमन्त्री शेरबहादुर देउवा, नेकपा एमालेका अध्यक्ष केपी ओली र नेकपा माओवादी केन्द्रका अध्यक्ष प्रचण्डबीच आज भेटवार्ता हुने भएको छ। आज दिउँसो ४ बजेका लागि बालुवाटारमा तीन नेताहरूको भेटवार्ता तय भएको प्रधानमन्त्रीको सचिवालयले जनाएको छ।
यसअघि पुस २४ गते ओलीलाई भेट्न प्रधानमन्त्री देउवा उनको निवास बालकोट पुगेका थिए। संसदमा भइरहेको अवरोध, स्थानीय निर्वाचन र एमसिसी परियोजनाको विषयमा तीन नेताबीच छलफल हुन लागेको हो।