- वि.सं २o७८ माघ २० बिहीबार
झापाको मेचीनगरस्थित एक जुत्ता उद्योगमा भीषण आगलागी भएको छ। मेचीनगरस्थित काँकडभिट्टामा रहेको जुत्ता उद्योग एसएस फुटवेयरमा आगलागी भइरहेको जिल्ला प्रहरी कार्यालय झापाले जनाएको छ।
आगलागी भइरहेकाले विस्तृत विवरण आउन सकेको छैन। मेचीनगरको दमकल बिग्रिएकाले भद्रपुर र बिर्तामोडबाट दमकल पठाइएको जिल्ला प्रहरी कार्यालयका प्रवक्ता प्रहरी नायव उपरीक्षक वसन्त पाठकले जानकारी दिए। आगो नियन्त्रणको प्रयास भइरहेको प्रहरीले जनाएको छ।
