- वि.सं २o७८ माघ ७ शुक्रबार
सरकारले पेट्रोलियम पदार्थमा मूल्यवृद्धि गरेको विरोधमा शुक्रबार वीरगन्जमा प्रदर्शन भएको छ । एमाले निकट ओविसि महासंघको अगुवाईमा माईस्थान चोकमा पेट्रोलियम पदार्थमा भएको मूल्यवृद्धि फिर्ता गर्न भन्दै सरकारविरुद्ध प्रदर्शन भएको हो ।
सोही क्रममा उनीहरुले प्रधानमन्त्री शेरबहादुर देउवाको पुत्ला दहनसमेत गरेका छन् नेपाल आयल निगमले बुधबार राति १२ बजेदेखि लागू हुनेगरी पेट्रोल प्रतिलिटर ३ रुपैयाँ, डिजेल तथा मट्टितेल पनि ३ रुपैयाँले बढाएको छ ।
अब उपत्यका बाहिर पेट्रोलको मूल्य प्रतिलिटर एक सय ३९ रुपैयाँ र डिजेल तथा मट्टितेलको मूल्य एक सय २३ रुपैयाँ कायम भएको छ । प्रदर्शनमा ओविसि पिछडा महासंघका केन्द्रीय अध्यक्ष तेजप्रकाश निषाद,उपाध्यक्ष अकलेश साह,सहमहासचिव धनराज गुप्ता ,केन्द्रिय सदस्य शंकर यादव ,राजन साह लगायत सहभागी थिए ।
