![](https://nayapatrika.blr1.cdn.digitaloceanspaces.com/news/images/my-pay2022-01-20-05-37-31.jpeg)
'माई पे डिजिटल वालेट'ले आन्तरिक हवाई टिकट बुकिङ सेवाको सुरुवात गरेको छ । वालेटका अनुसार यसअन्तर्गत नेपालभित्र कुनै पनि गन्तव्यका लागि माई पे वालेटमार्फत हवाई टिकट बुकिङ गर्दा अधिकतम रु १ हजारसम्म र न्यूनतम ५ प्रतिशत क्यासब्याक प्राप्त गर्न सकिनेछ । हाल यस वालेटमार्फत आन्तरिक एयरलाइन्सका टिकट बुकिङ गर्दा रु ३ हजार सम्मको टिकट बुकिङमा ७ प्रतिशत र रु ३ हजारभन्दा माथिको टिकट बुकिङमा ५ प्रतिशत क्यासब्याक प्राप्त गर्न सकिने वालेटले जनाएकाे छ ।
यो योजना सीमित अवधिका लागि रहेको माई पेले जनाएको छ । उक्त क्यासब्याक प्राप्त गर्न ग्राहकले माई पे वालेट डाउनलोड गरी कारोबार गर्न सक्नेछन् । यस वालेटले हवाई टिकट बुकिङसँगै मोबाइल टपअप, पानीको बिल भुक्तानी, फोनको बिल भुक्तानी, विद्युत् महसुल भुक्तानी, इन्टरनेटको बिल भुक्तानी, टेलिभिजनको बिल भुक्तानी, रिचार्ज पिन, डाटा प्याक, केबल कारको टिकट बुकिङ र बस टिकट बुकिङसमेत गर्न सकिन्छ ।