काठमाडौं महानगरपालिकाविरुद्ध कवाडी व्यवसायी आन्दोलनमा उत्रिएका छन्।
महानगरपालिकाले कवाडी संकलन गरेर राख्ने ठाउँहरूमा डोजर चलाएपछि गत फागुनदेखि नै उनीहरूले आन्दोलन सुरु गरेका थिए। केही समय आन्दोलन रोकिए पनि व्यवसायीले पुनः विरोध प्रदर्शन सुरु गरेका हुन्।
मंगलबार कवाडी व्यवसायीले काठमाडौं महानगरपालिकाको कार्यालय घेराउ गरे। प्रदर्शनमा सहभागी व्यवसायी र कवाडी संकलकहरूले महानगरपालिका र मेयरविरुद्ध नाराबाजीसमेत गरेका थिए।