युरोपको अटोमोबाइल ब्रान्ड स्कोडाको आधिकारिक विक्रेता एमएडब्लू इन्टरप्राइजेजले बुटवलमा नयाँ स्टेट अफ द आर्ट थ्रिएस (सेल्स, सर्भिस र स्पेयर्स) सोरुम सञ्चालनमा ल्याएको छ । कम्पनीले रोडवेज लाइफ स्टाइललाई पश्चिमी नेपालमा स्कोडाको बिक्री र बिक्रीपछिको सेवाको जिम्मेवारी दिँदै सोरुम सञ्चालनमा ल्याएको छ ।
नेपाली बजारमा स्कोडाको पकड बलियो बनाउन र स्कोडा कारको उपलब्धता बढाउन एमएडब्लू स्कोडाले आफ्नो डिलर सञ्जाललाई विस्तार गर्दै आएको जनाइएको छ । नयाँ सोरुमको उद्घाटन पाँच नम्बर प्रदेशका उद्योग तथा वाणिज्यमन्त्री अजय शाही र एमएडब्लू स्कोडा डिभिजनका कार्यकारी निर्देशक रौनक अग्रवालले संयुक्त रूपमा गरेका थिए ।
स्कोडाको नयाँ डिलर रोडवेज लाइफ स्टाइलले दुईदिने विशेष ‘टेस्ट ड्राइभ इभेन्ट’ पनि आयोजना गर्दै छ । यो अवधिमा स्कोडा कार बुकिङ गर्नेले क्यास डिस्काउन्ट, निःशुल्क सडक कर, ‘एक्सचेन्ज बोनस’को सुविधा पाउने छन् ।