- वि.सं २o७८ मङ्सिर २७ सोमबार
पछिल्लो २४ घण्टामा नेपालमा थप ३४१ जनामा कोरोना भाइरस संक्रमण पुष्टि भएको छ। १३ हजार २३६ जनाको स्वाब परीक्षण गर्दा सो संख्यामा संक्रमित थपिएका स्वास्थ्य तथा जनसंख्या मन्त्रालयले जनाएको छ। पिसिआर विधिबाट १० हजार ४१६ नमुना परीक्षण गर्दा ३१३ र एन्टिजेन विधिबाट दुई हजार ८२० नमुना परीक्षण गर्दा २८ संक्रमित थपिएका हुन्।
यस अवधिमा कोरोना संक्रमणका कारण तीनजनाको मृत्यु भएको छ भने ३७६ जना संक्रमणमुक्त भएका छन्। योसँगै नेपालमा सक्रिय संक्रमितको संख्या पाँच हजार ८२४ मा झरेको छ। आज सोमबार नेपालमा एक लाख ८७ लाख ६६४ जनाले कोभिड–१९ विरुद्धको खोप लगाएका छन्।
