- वि.सं २o७८ मङ्सिर २७ सोमबार
तुलसीपुरबाट कपुरकोट जाँदै गरेको यात्रुवाहक जिप दुर्घटना हुँदा चारजनाको मृत्यु भएको छ । आइतबार अपराह्न ४ बजे तुलसीपुर–३ शिरखोलानजिकै रा.१ज ४३८ नम्बरको जिप दुर्घटना हुँदा चारजनाको मृत्यु भएको हो । अन्य १६ जना घाइते भएका छन् ।
दुईजनाको घटनास्थलमै, एकजनाको राप्ती प्रादेशिक अस्पताल तुलसीपुरमा उपचारको क्रममा र अर्का एकजनाको कोहलपुर उपचारका लागि लैजाँदै गर्दा बाटोमै मृत्यु भएको थियो ।
मृत्यु हुनेमा सल्यान कपुरकोट गाउँपालिका–४ का प्रेमप्रकाश शर्मा, सौनी घर्ती, कर्णबहादुर खड्का र चन्द्रबहादुर खड्का रहेको इलाका प्रहरी कार्यालय तुलसीपुरका प्रहरी नायब उपरीक्षक श्यामु अर्यालले जानकारी दिए । जिप सडकबाट करिब दुई सय मिटर तल खसेको छ । घाइतेहरूको राप्ती प्रादेशिक अस्पताल तुलसीपुरमा उपचार भइरहेको छ ।
