- वि.सं २o७८ मङ्सिर १९ आइतबार
नेकपा माओवादी केन्द्रनिकट प्रेस सेन्टरको चौथो राष्ट्रिय महाधिवेशनले विष्णु सापकोटा ‘जुगल’को नेतृत्वमा एक सय ९१ सदस्यीय कार्यसमिति सदस्य चयन गरेको छ । चितवनको भरतपुरमा शनिबारबाट जारी महाधिवेशनले सापकोटाको नेतृत्वमा कार्यसमिति सदस्य चयन गरेको हो ।
सेन्टरको बाँकी पदाधिकारी भने अब बस्ने केन्द्रीय समिति बैठकले चयन गर्नेछ । सेन्टरमा अध्यक्षसहित ३९ पदाधिकारीको व्यवस्था छ भने कार्यसमिति सदस्य एक सय ९९ रहने व्यवस्था छ । केन्द्रीय समिति बैठक अर्को साता बस्ने तय भएको छ । उक्त बैठकले सेन्टरको पदाधिकारीका साथै कार्यसमितिका ८ जना सदस्य पनि चयन गर्नेछ ।
