- वि.सं २o७८ कार्तिक २१ आइतबार
साइकलबाट लडेर मोरङको रंगेलीमा एकजनाको मृत्यु भएको छ। शनिबार साँझ ६ बजे मोरङ रंगेली नगरपालिका– ६ टकुवा–पिपलचाेक भित्री सडकखण्डमा आफैँले कुदाएको साइकलबाट लडेर मोरङ सुनवर्षी नगरपालिका– ६ पटियापाडाका ३० वर्षीय सत्रुघन साहको मृत्यु भएको हो।
साहले कुदाएको साइकल अनियन्त्रित भई लड्दा भएको दुर्घटनामा उनी घाइते भएका थिए। उनको उपचारका क्रममा रंगेली अस्पतालमा शनिबार साँझ नै मृत्यु भएको इलाका प्रहरी रंगेलीले जनाएको छ।
