- वि.सं २o८१ बैशाख २२ शनिबार
नेकपा एकीकृत समाजवादीले राष्ट्रिय राजनीति तथा राष्ट्रिय जनजीवनका हरेक क्षेत्रमा पार्टीको उपस्थिति, चासो र क्रियाशीलता दिन प्रतिदिन बढ्दो रहेको जिकिर गरेको छ । पार्टी उपमहासचिव एवं प्रचार विभाग प्रमुख जगन्नाथ खतिवडाले शुक्रबार प्रेस वक्तव्य जारी गर्दै एकमहिने कार्यप्रगति सार्वजनिक गरेका हुन् ।
पार्टीले एक महिनाको बीचमा गरेको कामको विवरण उनले उल्लेख गरेका छन् । ७३ वटा भौगोलिक जिल्ला र ४ वटा गैरभौगोलिक जिल्ला कमिटी गठन भएको खतिवडाले जनाएका छन् । छोटो अवधिमै पार्टीका देशभरका कमिटी एवं जनसंगठनको विभिन्न तहका कमिटीमा लाखौँ युवा संगठित हुने लहर चलेको उनले दाबी गरेका छन् ।
