दोलखाको सदरमुकाम चरिकोटमा पहिलोपटक हाई अल्टिच्युड राष्ट्रिय रेस्लिङ प्रतियोगिता हुने भएको छ । प्रदेश खेलकुद परिषद् र रिङ रेस्लिङ संघको संयुक्त आयोजनामा १३ कात्तिकदेखि चरिकोटस्थित भ्युटावर खेलमैदानमा हाई अल्टिच्युड राष्ट्रिय रेस्लिङ प्रतियोगिता हुने आइतबार आयोजित पत्रकार सम्मेलनमा जानकारी दिइएको छ ।

२५ राष्ट्रिय खेलाडी सहभागी हुने प्रतियोगिताको तयारी अन्तिम चरणमा पुगेको राखेपकी सदस्य तथा नेपाल रिङ रेस्लिङ संघकी महासचिव सुवर्ण श्रेष्ठले जानकारी दिइन् ।