- वि.सं २o७८ असोज २५ सोमबार
कास्कीको बलाभिर भन्ने स्थानमा बाेलेरो जिप दुर्घटना भएको छ। ग.१ज ६९०० नम्बरकाे जिप दुर्घटनामा पर्दा आठजना गम्भीर घाइते भएका छन्। घाइते सबैलाई उपचारका लागि मणिपाल शिक्षण अस्पताल लगिएको छ। सोमबार दिउँसो २:१५ बजे नयाँपुलबाट घान्द्रुकतर्फ जाँदै गरेका जिप बलाभिरमा दुर्घटनमा परेको कास्की प्रहरी प्रवक्ता प्रहरी उपरीक्षक सुवास हमालले जानकारी दिए। उनका अनुसार घाइते सबै अचेत अवस्थामा छन्।
‘नयाँ पुलबाट घान्द्रुकतर्फ जाँदै गरेको बाेलेरो जिप दुर्घटनामा परेको छ। त्यसमा सवार आठजनालाई उद्धार गरेर मणिपाल शिक्षण अस्पताल पठाइएको छ। अवस्था गम्भीर भन्ने छ,’ प्रवक्ता हमालले जानकारी दिए।
