- वि.सं २o७८ भदौ २१ सोमबार
जाजरकोटको नलगाड नगरपालिका– ५ ढारसिर्केमा पहिरोबाट खसेको ढुंगा घरमा लाग्दा एक बालकको मृत्यु भएको छ। गएरातिदेखि भएको अविरल वर्षाका कारण पहिरोबाट खसेको ढुंगाले लाग्दा गोरखबहादुर खड्काका १० वर्षीय छोरा प्रचण्डको मृत्यु भएको प्रहरीले जनाएको छ।
बिहान ३ बजेतिर ढुंगा खसेर घरमा लागेको जनाइएको छ। घटनामा ४६ वर्षीय गोरखबहादुर र उनकी श्रीमती ३५ वर्षीया शिला खड्का घाइते भएका छन्। घाइते दुवैको उपचार भइरहेको छ।
