- वि.सं २o७८ भदौ १६ बुधबार
कृषि विकास बैंक लिमिटेडले समता शैक्षिक गुठीलाई आर्थिक सहयोग गरेको हो । बैंकका प्रमुख कार्यकारी अधिकृत अनिलकुमार उपाध्यायले गुठीका सञ्चालक उत्तम सञ्जेललाई पाँच लाख रुपैयाँको चेक हस्तान्तरण गरेका हुन् ।
सहयोग हस्तान्तरण कार्यक्रममा कलाकारद्वय मदनकृष्ण श्रेष्ठ र हरिवंश आचार्यलाई बैंकले सुस्वास्थ्य तथा दीर्घायुको कामनासहितको सम्मानसमेत गरिएको बैंकले जनाएको छ । कलाकार मदनकृष्ण तथा हरिवंशले कृषि विकास बैंक लिमिटेडले गरिब किसानलगायत सबैको बैंकका रूपमा आफूलाई चिनाउन सफल भएको भन्दै आगामी दिनमा थप प्रगतिको कामना गरेको जनाइएको छ ।
बैंकका प्रमुख कार्यकारी अधिकृत उपाध्यायले आगामी दिनमा समता शैक्षिक गुठीलाई यस प्रकृतिको सहयोग जारी राख्ने बताए । उनले बैंकका प्रदेश कार्यालहरूबाट समेत नियमानुसार सहयोग उपलब्ध गर्न सकिने भन्दै समता शैक्षिक गठीले पुर्याएको योगदानको प्रशंसा गरेका थिए ।
कार्यक्रममा बैंकका उपमहाप्रबन्धकहरू प्रताप सुवेदी, यज्ञप्रकाश न्यौपाने, ध्रुवचन्द्र गौतम, दीर्घबहादुर अर्याल, प्रेमकुमार श्रेष्ठ, बाबुकाजी थापालगायतको उपस्थिति रहेको बैंकले जनाएको छ ।
