- वि.सं २o७८ भदौ ११ शुक्रबार
नेपाली हास्यव्यंग्य क्षेत्रका विशिष्ट प्रतिभा वासुदेव शर्मा लुइँटेलको स्मृतिमा स्थापित पुरस्कारहरूवितरण गरिएको छ । शुक्रबार एक कार्यक्रमको आयोजना गरी ०७६ सालको हास्यव्यंग्य चित्रतर्फको पुरस्कार वरिष्ठ कलाकार शशि शाहलाई प्रदान गरिएको छ भने ०७७ सालको हास्यव्यंग्य अभिनयतर्फको पुरस्कार किरण केसी (रातामकै) लाई प्रदान गरिएको छ ।
प्रत्येक पुरस्कारको राशि एक लाख ११ हजार एक सय ११ रुपैयाँ रहेको छ ।वरिष्ठ साहित्यकार रोचक घिमिरेले वासुदेव विद्यादेव लुइँटेल गुठीका पदाधिकारीहरूको उपस्थितिमा शाह र केसीलाई पुरस्कार गरे ।
कार्यक्रमलाई सम्बोधन गर्दै प्रमुख अतिथि घिमिरेले पुरस्कृत वरिष्ठ कलाकार शशि शाहको नेपाली आधुनिक कलासँगसँगै हास्यव्यंग्य चित्रकलामा पनि विशिष्ट योगदान रहेको बताए । पुरस्कृत अर्का स्रष्टा किरण केसीको हास्यव्यंग्य अभिनय जीवन्त रहेको उनले उल्लेख गरे । यसैबीच पुरस्कृत स्रष्टा केसीले पुरस्कारस्वरूप आफूले पाएको रकममध्ये ९० प्रतिशत समाजसेवामा खर्चने जानकारी दिए ।
