- वि.सं २o७८ श्रावण ११ सोमबार
संघीय संसदलाई व्यवस्थित ढंगले सञ्चालनका लागि आर्थिक व्यवस्थापनका विषयमा सभामुख अग्नि सापकोटा र अर्थमन्त्री जनार्दन शर्माबीच छलफल भएको छ। सोमबार सिंहदरबारस्थित सभामुखको कार्यकक्षमा भेट भएको हो।
सभामुख सचिवालयको भनाइ छ, ‘संघीय संसदलाई व्यवस्थित र प्रभावकारी ढंगले सञ्चालनका लागि आर्थिक व्यवस्थापनलगायतका विषयमा छलफल केन्द्रित रहेको थियो ।’
विपत् संकटग्रस्त क्षेत्र घोषित जिल्लाहरूमा सरकारको प्राथमिकताबारे पनि छलफल भएको छ । सभामुखको जिज्ञासामा अर्थमन्त्री शर्माले विपतग्रस्त सिन्धुपाल्चोक जिल्लाको मेलम्ची क्षेत्रमा तत्काल बेलिब्रिज राख्न निर्देशन दिइसकेको जानकारी गराएका थिए।
सरकारले साउन ४ गते सिन्धुपाल्चोक र मनाङलाई विपत् संकटग्रस्त क्षेत्र घोषणा गरेको थियो ।
