- वि.सं २o८१ बैशाख १९ बुधबार
हिमाली जिल्ला मनाङमा नेपाली सेना र नेपाल प्रहरीले अस्थायी काठेपुल निर्माण गरेका छन् । सेना र प्रहरीले स्याल्कु खोलामा नयाँबजार कोतोतर्फ आवतजावत गर्ने अस्थायी काठेपुल निर्माण गरेका हुन् ।
बाढीले पुल बगाएपछि आवतजावतमा समस्या भएकाले अस्थायी काठेपुलको निर्माण गरिएको हो । चामे गाउँपालिका– ४ स्थित स्याल्कु खोलामा मनाङमा रहेको रणदल गुल्मको सेनाको टोली, नेपाल प्रहरीसहित स्थानीयको सक्रियतामा काठेपुल निर्माण गरिएको हो ।
