- वि.सं २o७८ असार ६ आइतबार
सरकारले आन्तरिक उडान १५ असारपछि खुलाउने तयारी गरेको छ । निजी वायुसेवा कम्पनीहरूले ७ असारदेखि स्वास्थ्य मापदण्ड कडाइका साथ लागू गरेर आन्तरिक उडान खुलाउन प्रस्ताव गरेका छन् ।
वायुसेवा सञ्चालक संघले नवनियुक्त संस्कृति, पर्यटन तथा नागरिक उड्डयनमन्त्री उमाशंकर अरगरियालाई १ असारबाट आन्तरिक उडान खोल्ने प्रस्ताव अघि सारेका हुन् । ७ गतेसम्म बन्द नै भएकाले अब कसरी खोल्न सकिन्छ भनेर स्वास्थ्य मन्त्रालयमार्फत कुरा अगाडि बढिरहेको नागरिक उड्डयन प्राधिकरणका महानिर्देशक राजन पोखरेलले बताए ।
