- वि.सं २o७८ बैशाख ३ शुक्रबार
बागमती युवा क्लब सर्लाहीले सेन्ट्रल कलेज भरतपुर एफसीलाई सडन डेथमा हराउँदै जितपुर सिमरा गोल्डकपको अन्तिम आठमा स्थान पक्का गरेको छ । निर्धारित ९० मिनेट र अतिरिक्त ३० मिनेटमा दुवै टिमले गोलरहित बराबरी खेलेपछि नतिजा सडन डेथबाट निकालिएको हो ।
सडन डेथमा बागमतीका गोलरक्षक अरुण ब्लोनले गोल गरे भने सेन्ट्रल कलेज भरतपुर एफसीका प्रज्वल थापाको प्रहार क्रसबारमाथिबाट बाहिरिएको थियो । निकै प्रतिस्पर्धात्मक बनेको प्रतियोगितामा खेल अवधिभर पाएका थुप्रै राम्रा अवसरको सदुपयोेग गर्न नसक्दा सेन्ट्रल कलेज भरतपुर एफसी पहिलो खेलबाटै बाहिरिनु परेको छ । शुक्रबार सुदूरपश्चिम ११ स्पोर्टस् क्लब धनगढी र युथ हेटौँडाबीच खेल हुने आयोजकले जनाएको छ ।
