- वि.सं २o७७ चैत २७ शुक्रबार
बर्दियामा सामुदायिक वनभित्र लोड गरी राखिएको भरुवा बन्दुक फेला परेको छ । मधुवन नगरपालिका– ८ मा रहेको श्री गणेश सामुदायिक वनमा बेवारिसे भरुवा बन्दुक फेला परेको हो । बन्दुकसँगै बन्दुकमा लाग्ने छर्रा, गोली र बारुद फेला परेको प्रहरीले जनाएको छ ।
इलाका प्रहरी कार्यालय सानोश्रीबाट खटिएको टोलीले उक्त बन्दुक आवश्यक कानुनी प्रक्रिया पूरा गरी जिल्ला प्रहरी कार्यालयमा ल्याएको जिल्ला प्रहरी कार्यालयका प्रहरी नायव उपरीक्षक हेमबहादुर शाहीले बताए ।
