- वि.सं २o७७ माघ २१ बुधबार
ललितानिवास जग्गा हिनामिना मुद्दामा व्यवसायी मीनबहादुर गुरुङ विशेष अदालत उपस्थित भएका छन् । मुद्दा दायर भएको एक वर्षपछि उनी बुधबार अदालतमा उपस्थित भएका हुन् । विशेष अदालतका अध्यक्ष प्रेमराज कार्की र न्यायाधीश अब्दुल अजिज मुसलमानको इजलासले गुरुङको बयान लिई थुनछेक आदेश दिनेछ ।
उनीविरुद्ध ३९ करोड २७ लाख रुपैयाँ बिगो दाबीसहित अख्तियार दुरुपयोग अनुसन्धान आयोगले मुद्दा दायर गरेको थियो । सो सरकारी जग्गा व्यक्तिको नाममा ल्याउन उनले आर्थिक लगानी गरेको र पछि आफ्नै नाममा ल्याएको आयोगको छानबिनमा भेटिएको थियो ।
भाटभटेनी डिपार्टमेन्ट स्टोरका मालिक गुरुङले सो जग्गा अहिले पनि स्टोरका रूपमा प्रयोग गर्दै आएका छन् ।
