- वि.सं २o७७ माघ १३ मंगलबार
संखुवासभाको पाँचखपन नगरपालिका– ३ वानामा ट्र्याक्टर दुर्घटना हुँदा एकजनाको मृत्यु भएको छ ।
ट्र्याक्टरका सहचालक पाँचखपन नगरपालिका– ६ घर भएका २२ वर्षीय गोविन्द कोइरालाको मृत्यु भएको जिल्ला प्रहरी कार्यालय संखुवासभाका प्रहरी निरीक्षक सन्तोष बुढाथोकीले बताए ।
उनका अनुसार वानाबाट बाह्रबिसेतर्फ जाँदै गरेको को.२त ५०१० नम्बरको ट्र्याक्टर सोमबार राति अनियन्त्रित भई सडकभन्दा करिब ९० मिटर तल खसेको थियो । ट्र्याक्टर दुर्घटनामा गम्भीर घाइते भएका कोइरालाको उपचारको क्रममा वाना प्राथमिक स्वास्थ्य चौकीमा मंगलबार मृत्यु भएको प्रहरी बुढाथोकीले बताए ।
ट्र्याक्टरचालक जितबहादुर राईलाई प्रहरीले नियन्त्रणमा लिएको जनाएको छ ।
