- वि.सं २o७७ माघ ३ शनिबार
कांग्रेस महामन्त्री डा. शशांक कोइरालाले संविधानलाई सही बाटोमा ल्याउन पनि प्रतिनिधिसभा पुनस्र्थापना हुनुपर्ने बताएका छन् । पूर्वी नवलपरासीको देवचुली नगरपालिकामा कांग्रेसले आयोजना गरेको विरोधसभालाई सम्बोधन गर्दै कोइरालाले यस्तो बताएका हुन् ।
प्रतिनिधिसभा विघटन गरेर प्रधानमन्त्री केपी ओलीले संविधान नै च्यातेको उनको आरोप छ । सरकारले घोषणा गरेको निर्वाचन हुनेमा विश्वास नभएको उनले बताए ।
७० वर्षको संघर्षपछि बनेको संविधानलाई च्यातेर प्रधानमन्त्री ओलीले प्रतिनिधिसभा विघटन गरेको हुँदा संविधानको रक्षा गर्न पनि कांग्रेस सडकमा आउनुपरेको कोइरालाको भनाइ थियो ।
