- वि.सं २o७७ पौष २९ बुधबार
सर्वाेच्च अदालतमा संसद् विघटनविरुद्ध परेको रिटमाथि आज सुनुवाइ हुँदै छ । रिटको सुनुवाइका लागि पुस १० गते प्रधानन्यायाधीश चोलेन्द्रशमशेर जबराले आफूसहित न्यायाधीश हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी रहेको इजलास गठन गरेका थिए ।
तर, हरिकृष्ण कार्कीले इजलासमा नबस्ने घोषणा गरेपछि अर्का न्यायाधीश सपना मल्ललाई सोही स्थानमा राखिएको छ । आजको इजलासमा प्रधानन्यायाधीशसहित न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर के सी रहनेछन् ।
प्रधानमन्त्री केपी ओलीको प्रस्तावमा पुस ५ गते राष्ट्रपति विद्यादेवी भण्डारीले संसद् विघटन गरेकी थिइन् । संसद् विघटन असंवैधानिक भएको भन्दै परेका रिटमाथि सुनुवाइ हुँदै आइरहेको छ । रिटको सुनुवाइ संवैधानिक इजलासमा गर्ने कि बृहत् पूर्ण इजलासमा भन्ने विवाद छ ।
