- वि.सं २o७७ पौष ६ सोमबार
नेकपा अध्यक्ष एवं प्रधानमन्त्री केपी ओलीले कम्युनिस्ट पार्टीका केही विकृत मानसिकता बोकेका नेताहरूका कारण संसद् विघटनजस्तो अवस्था उत्पन्न भएको बताएका छन् ।
कतिपय नेताहरूको चाहना पद, प्रतिष्ठामा मात्र सीमित बनेकाले राजनीतिक रूपमा प्राप्त स्थिर सरकारलाई घेराबन्दी गरिएको उनले बताए ।
कार्यविभाजन गरेर एकले सरकार र अर्काेले पार्टी सञ्चालन गर्ने कार्यविभाजन गरिए पनि पार्टी काम फिटिक्कै नभएको, तर सरकारलाई घेराबन्दी मात्र गर्ने काम भएको उनले बताए ।
उनले प्रश्न गरे, ‘यसबीचमा पार्टी एकता कहाँ पुग्यो, काम के भयो ? तर, सकारलाई घेर्ने काम भने निरन्तर भयो ।’
