- वि.सं २o८१ जेठ १ मंगलबार
लमजुङमा सार्वजनिक सवारीसाधनको नयाँ भाडादर निर्धारण गरिएको छ । जिल्लास्तरीय ग्रामीण अस्थायी मार्ग तथा भाडा निर्धारण समितिले लामो तथा छोटो दूरीमा चल्ने सवारीसाधनको भाडादर तोकेको हो ।
समितिको बैठकले ५ पुसदेखि लागू हुने गरी एक सय ३५ स्थानको विभिन्न रूटमा चल्ने गाडीको नयाँ भाडादर निर्धारण गरेको प्रमुख जिल्ला अधिकारी कृष्णप्रसाद शर्माले बताए । नयाँ भाडादरअनुसार बेसीसहर–काठमाडौंको बसको भाडा चार सय र माइक्रोबसको चार सय ६० कायम गरिएको छ ।
बसको बेसीसहर–सुनौलीको पाँच सय ५०, बेसीसहर–वीरगन्जको पाँच सय, बेसीसहर–पोखराको बसको दुई सय ६५ र माइक्रोबसको तीन सय १५ तोकेको छ ।
