कांग्रेसको सरकारविराेधी देशव्यापी प्रदर्शनअनुसार भैरहवा पनि र्याली निकालिएको छ । दिउँसो १ बजे भैरहवाको बुद्धचोकबाट प्रदर्शन सुरु भएको कांग्रेस रुपन्देहीका सभापति अब्दुल रज्जाकले बताए ।
जिल्ला सदरमुकाम भैरहवामा भएको प्रदर्शन नयाँसडक, देवकोटाचोक, नारायणपथ हुँदै पुनः बुद्धचोकमा आएर सभामा परिणत हुने कांग्रेस नेता विशेश्वरप्रसाद बस्यालले बताए ।
सभालाई केन्द्रीय सदस्य सुरेन्द्र पाण्डे, प्रतिनिधिसभाको सार्वजनिक लेखा समितिका सभापति तथा कांग्रेसका नेता भरत शाहलगायतले सम्बोधन गर्ने कार्यक्रम छ । विरोध सभामा भाग लिन रुपन्देही जिल्लाका सबै नेता तथा कार्यकर्ता भैरहवा आएका छन् ।