- वि.सं २o७७ मङ्सिर २३ मंगलबार
गोरखाको प्रसिद्ध धार्मिकस्थल मनकामना मन्दिर आगामी २८ मंसिरबाट सर्वसाधारणका लागि खुला गरिने भएको छ । कोभिड–१९ का कारण नौ महिनापछि सर्वसाधारणका लागि खुला हुन लागेको हो ।
मनकामना क्षेत्र विकास समितिको मंगलबार बसेको वैठकले २८ मंसिरबाट खुला गर्ने निर्णय भएको समितिका कार्यकारी निर्देशक लेबेन्द्र गुरुङले बताए । कोभिड–१९ को प्रभावका कारण गत चैतदेखि मनकामना मन्दिर बन्द रहेको छ ।
स्वास्थ्य सुरक्षा मापदण्ड अपनाएर मन्दिर खुला गरिने उनले जानकरी दिए । ‘मनकामना क्षेत्रलाई पनि संस्कृति महाशाखाले तयार गरेको धार्मिकस्थल सञ्चालनसम्बन्धी स्वास्थ्य सुरक्षा मापदण्ड २०७७ अनुसार कार्यविधि बनाएर सञ्चालन गर्ने निर्णय भएको हो’ उनले भने । सोही दिनदेखि केबलकार पनि सञ्चालनमा आउने बताइएको छ ।
