- वि.सं २o७७ मङ्सिर २१ आइतबार
दोलखाको बिगु गाउँपालिका– ५ चिलंखामा आज बिहान बोलेरो जिप दुर्घटना हुँदा चालकको मृत्यु भएको छ ।
दुर्घटनामा गौरीशंकर गाउँपालिका– ८ खारेका २४ वर्षीय सुविन तामाङको मृत्यु भएको हो ।
बिहान करिब ६ बजे चिलंखा थाक्रेबाट सिँगटी बजार जाने क्रममा बा.२०च ४३७३ नम्बरको गाडी लाइसेप भन्ने ठाउँमा दुर्घटनामा परेको जिल्ला प्रहरी कार्यालयले जनाएको छ ।
जिपमा सवार चालक तामाङको घटनास्थलमै मृत्यु भएको र बिगु– ५ की २२ वर्षीया कमला तामाङ घाइते भएको दोलखाका प्रहरी निरीक्षक अञ्जन कोइरालाले जानकारी दिए । गाडी सडकबाट करिब एक सय ५० मिटर तल खसेको थियो।
घाइते तामाङको सिँगटी बजारस्थित रोल्वालिङ अस्पतालमा उपचार भइरहेको र सामान्य अवस्था रहेको प्रहरीले जनाएको छ ।
