- वि.सं २o७७ कार्तिक ५ बुधबार
सशस्त्र प्रहरी बलको इन्टेलिजेन्स ब्युरोले लागुऔषधसहित ललितपुरबाट चारजनालाई पक्राउ गरेको छ । गोदावरी नगरपालिका– १५ हात्तीवन चोकबाट विभिन्न किसिमका लागुऔषधसहित कारोबारीलाई पक्राउ गरेको हो ।
दुई केजी पोलेन तथा ५० सेट नोफिन र डाइजेपाम बरामद गरेको हो । लागुऔषधसहित पक्राउ पर्नेमा धादिङका मनीष मगर, मकवानपुरका सविन आलेमगर, तनहुँका अजितकुमार श्रेष्ठ र काठमाडौंका राजकुमार रोका छन् । उनीहरूमाथि थप अनुसन्धान र कारबाहीका लागि नेपाल प्रहरीलाई बुझाइएको सशस्त्र प्रहरी बलले जनाएको छ ।
