- वि.सं २०८१ बैशाख ७ शुक्रबार
सूचना प्रविधिमा दक्ष बनाउन प्रदेश १ सरकारले ६ सय शिक्षकलाई तालिम दिन थालेको छ । विद्यालय शिक्षा गुणस्तर सुधार कार्यक्रम सञ्चालन निर्देशिका कार्यान्वयन गराउन प्रदेश सरकारले पहिलो चरणमा ६ वटा स्थानीय तहसँग साझेदारी गरेर ६ सय शिक्षकलाई सूचना प्रविधिसम्बन्धी तालिम दिन थालेको हो ।
प्रदेश १ सरकारका सामाजिक विकासमन्त्री जीवन घिमिरेका अनुसार तालिममा सामुदायिक विद्यालयमा अध्यापनरत शिक्षकलाई आधारभूत कम्प्युटर तथा सूचना प्रविधि शिक्षासम्बन्धी ज्ञान दिइनेछ । तालिम असोज दोस्रो सातादेखि आयोजना हुनेछ ।
पहिलो चरणको तालिमका लागि झापाको अर्जुनधारा र मेचीनगर नगरपालिका, इलामको सूर्योदय नगरपालिका, मोरङको पथरीशनिश्चरे नगरपालिका, सुनसरीको इटहरी उपमहानगरपालिकासँग सम्झौता गरिसकेको छ । बिहीबार उदयपुरको त्रियुगा नगरपालिकासँग पनि सम्झौता हुँदै छ ।
