समाचार डिजिटल संस्करण

कोभिडको फ्रन्टलाइनमा खटिएका नयाँ पत्रिकाकर्मीसहित दुई सय २४ जना सम्मानित

संविधान दिवसका अवसरमा सिराहा जिल्लामा कोरोना महामारीको फ्रन्टलाइनमा खटिएर सेवा प्रदान गरेका दुई सय २४ जना व्यक्तित्व सम्मानित भएका छन् । 

सम्मानित हुनेमा नयाँ पत्रिकाकर्मी सुरेन्द्रकुमार कामती र मणिलाल विश्वकर्मासहित अन्य सञ्चारकर्मी, स्वास्थ्यकर्मी, सुरक्षाकर्मी तथा जनप्रतिनिधि रहेको प्रमुख जिल्ला अधिकारी प्रदीपराज कँडेलले जानकारी दिए ।  

कोभिड–१९ संक्रमण जोखिम न्यूनीकरणका लागि बनाइएको संकट व्यवस्थापन केन्द्र (डिसिसिएमसी) र जिल्ला सुरक्षा समितिले संविधान दिवसका अवसरमा उनीहरूलाई गम्छा र कदरपत्रले सम्मान गरेको जिल्ला समन्वय समितिका सभापति रामचन्द्र ठाकुरले बताए ।  

एम्बुलेन्सचालकलाई जोखिम भत्ता

नेपाल रेडक्रस सोसाइटी सिराहा शाखाले आफ्नोमातहतका पाँचजना एम्बुलेन्सचालकलाई जोखिम भत्ता दिने घोषणा गरेको छ । संविधान दिवसका अवसरमा शाखा र उपशाखामातहतका एम्बुलेन्सचालकलाई कोभिड– १९ मा खटिएको प्रोत्साहनस्वरूप १५–१५ हजार जोखिम भत्ता दिने घोषणा गरेको रेडक्रस सिराहाका सभापति राजदेव यादवले बताए ।