- वि.सं २o७७ असोज १ बिहीबार
प्रदेश १ का सामाजिक विकासमन्त्री जीवन घिमिरे कोरोना संक्रमणबाट मुक्त भएका छन् ।
संक्रमण भएपछि १३ भदौदेखि होम आइसोलेसनमा बसिरहेका मन्त्री घिमिरे १८ दिनपछि ३१ भदौबाट कोरोनामुक्त्त भएका हुन् ।
२६ भदौमा १४ दिनपछि गरिएको पिसिआर परीक्षणको रिपाेर्ट पोजेटिभ नै आएपछि उनी निरन्तर होम आइसोलेसनमा बसिरहेका थिए ।
पछिल्लो पटक गरिएको पिसिआर परीक्षणमा मन्त्री घिमिरेको रिपाेर्ट नेगेटिभ आएको प्रदेश १ जनस्वास्थ्य प्रयोगशाला प्रमुख जयबेन्द्र यादवले जानकारी दिए ।
मन्त्री घिमिरेको स्वास्थ्य अवस्था सामान्य रहेको उनको निजी सचिवालयले जनाएको छ ।
