महिला, बालबालिका तथा ज्येष्ठ नागरिकमन्त्री पार्वत गुरुङले महिला हिंसा न्यूनिकरणका लागि महिला अधिकारको क्षेत्रमा कार्यरत संस्थासँग हातेमालो गर्न सरकार तयार रहेको बताएका छन् । कागेश्वरी मनहरा नगरपालिकाको वीरेन्द्र चोकमा शनिबार प्रेम नगर महिला सहयोगी संस्थाद्वार आयोजित रक्तदान तथा निशुल्क स्वास्थ्य शिविर कार्यक्रममा बोल्दै उनले यस्ताे बताएका हुन् ।
शिविरमा बाेल्दै मन्त्री गुरूङले सबैको साझा प्रयासमा महिला हिंसाको अन्त्य गर्नुपर्ने उल्लेख गरे । कार्यक्रममा नगरपालिकाका प्रमुख कृष्णहरि थापाले महिला हकहितका लागि स्थानीय सरकारले निरन्तर काम गरिरहेको बताए । कार्यक्रम उमा भट्टराईको अध्यक्षतमा सम्पन्न भएको थियो ।