Skip This
जापानको योकोहामामा भएको ११औँ सितोरियो कराँते डो अन्तर्राष्ट्रिय च्याम्पियनसिपमा नेपालले दुई स्वर्ण, एक रजत र तीन कांस्य गरी ६ पदक जितेको छ । नेपालले व्यक्तिगत स्पर्धामा चार र टिम स्पर्धामा दुई गरी ६ पदक जितेको हो । महिला ६८ केजीमाथि एरिका गुरुङ र पुरुष ६० केजीमुनि राकेश मानन्धरले नेपाललाई स्वर्ण दिलाए ।
एरिका र राकेशले २०औँ एसियाली खेलकुद प्रतियोगितामा सहभागिता जनाएका थिए । उनीहरू एसियाडमा पदकविहीन भए । एसियाडको सहभागितासँगै नेपाली कराँते टोलीले योकोहामामा प्रतिस्पर्धा गरेको हो । यसैगरी महिला ६८ केजीमुनिमा निरूपा दोङ तामाङले रजत तथा पुरुष ६७ केजीमुनि मीनबहादुर तामाङले कांस्य जिते । दोहोरो पदक जितेका एरिका र निरूपाले महिला टिम कुमुते पनि कांस्य हात पारे ।
