Skip This
मनाङस्थित हिम्लुङ हिमालमा हिउँपहिरो गएको छ। आइतबार बिहान नार्पाभूमि गाउँपालिका– ५ स्थित हिम्लुङ हिमालमा हिउँपहिरो गएको प्रहरीले जनाएको छ।
पहिरोमा परेर मानवीय क्षति भएको आशंका गरिएको छ। हिमाल आरोहणमा गएका २२ जना (नाै पर्वतारोही र १३ जना सहयोगी स्टाफ)मध्ये करिब एक दर्जन सम्पर्कविहीन रहेका सशस्त्र प्रहरीका सहप्रवक्ता डिएसपी शैलेन्द्र थापाले जानकारी दिए।
उनका अनुसार उद्धारका लागि काठमाडौंबाट हेलिकप्टर मनाङका लागि गएको छ। हिमपहिरोबाट के–कति क्षति भयो भन्ने यकिन जानकारी प्राप्त भइसकेको छैन।
