- वि.सं २o८३ असोज १ बिहीबार
त्रिभुवन विमानस्थलस्थित अध्यागमन कार्यालयमा कार्यरत पाँच कर्मचारीलाई अध्यागमन विभागले जिम्मेवारीबाट हटाएको छ। उनीहरूको गतिविधि शंकास्पद देखिएपछि विभागमा तानिएको स्रोत बताउँछ।
अधिकृतहरू भूपेन्द्र थापा, रूपेश विश्वकर्मा, लक्ष्मणसिंह राठौर, काशीप्रसाद पंगेनी र कम्प्युटर अपरेटर विजय यादवलाई जिम्मेवारीबाट हटाइएको हो। उनीहरू भिजिट भिसाको गिरोहसँग मिलेको आशंका गरिएको छ। उनीहरूमाथि छानबिन चलिरहेको विभागका एक अधिकारीले बताए।
गत वर्ष कात्तिकदेखि विदेश जाने नेपालीलाई शंकाको भरमा रोक्न बन्द गरिएको छ। यससँगै भिजिट भिसाको असुली धन्दा पनि बन्द भएको छ। बिचौलिया र केही कर्मचारीहरू सबैलाई खुला रूपमा जान दिन नहुने भन्दै पुरानै मापदण्ड ब्युँताउन सक्रिय भइरहेका छन्।
