अनलाइन सामान बिक्रीका नाममा काठमाडौंमा ठगीका घटना बढेका छन्। प्रहरीका अनुसार दैनिक चारवटासम्म ठगी हुने गरेका छन्।
जिल्ला प्रहरी परिसर काठमाडौंमा मात्र गत फागुन महिनामा अनलाइन सामान खरिद–बिक्रीका नाममा भएको ठगीसम्बन्धी ११७ उजुरी परेका छन्।
सामाजिक सञ्जालमार्फत सस्तोमा आकर्षक सामान बिक्री गर्ने भन्दै विज्ञापन गरेर ठगी हुने गरेको हो । कतिपय भुक्तानी लिएर सम्पर्कविहीन हुने त कतिपयले एउटा भनेर अर्काे सामान बिक्री गरेको भन्दै कारबाहीका लागि प्रहरीमा उजुरी दिएका छन्।
ठगीबाट जोगिन विश्वसनीय र दर्ता भएका कम्पनीमार्फत मात्र अनलाइन सामान खरिद गर्न प्रहरीले आग्रह गरेको छ ।
See More On
