पर्यटकीय नगरी पोखरामा शुक्रबारदेखि २२औँ संस्करणको माछापुच्छ्रे पोखरा ओपन तथा भेट्रान्स टेनिस प्रतियोगिता ०८२ हुने भएको छ । कास्की जिल्ला टेनिस संघको आयोजना तथा माछापुच्छे बंैकको मुख्य प्रायोजनमा ११ देखि १५ पुससम्म प्रतियोगिता हुन लागेको हो ।
पोखरा रंगशालास्थित टेनिस कोर्टमा हुने प्रतियोगितामा मेन्स तथा वुमेन्सतर्फ सिंगल्स र डबल्स तथा भेट्रान्सतर्फ ३५, ४५, ५५ र ६५ वर्षमाथि गरि १२ विद्यामा प्रतिस्पर्धा हुने आयोजक संघका सचिव एंव प्रतियोगिता संयोजक विश्वराज पौडेलले जानकारी दिए । पौडेलका अनुसार प्रतियोगितामा नेपालसहित चार देशका १६० जना खेलाडीले प्रतिस्पर्धा गर्नेछन् ।
आयोजक संघका अध्यक्ष राजकुमार गुरुङका अनुसार प्रतियोगिताअन्तर्गत ओपनतर्फ मेन्स तथा वुमेन्स सिंगल्स विजेताले ८०, उपविजेताले ४० हजारसहित ट्रफी तथा सेमिफाइनलिस्टले नगद २० हजार रुपैयाँ र मेडल पाउनेछन् । मेन्स तथा वुमेन्स डबल्सतर्फ विजेताले ३०, उपविजेताले १५ हजारसहित ट्रफी पुरस्कार पाउँदा सेमिफाइनलिस्टले १० हजार र मेडल पुरस्कार पाउनेछन् ।
३५ वर्ष माथिको सिंगल्स विजेताले ६०, उपविजेताले ३० हजारसहित ट्रफी तथा सेमिफाइनलिस्टले १५ हजारसहित मेडल पुरस्कार प्राप्त गर्नेछन् । ३५ वर्षमाथिको डबल्स विजेताले २०, उपविजेताले १० हजारसहित ट्रफी तथा सेमिफाइनलिस्टले १० हजारसहित मेडल पुरस्कार प्राप्त गर्नेछन् । ४५ वर्षमाथिको सिंगल्स विजेताले ४०, उपविजेताले २० हजारसहित ट्रफी तथा सेमिफाइनलिस्टले १० हजार र मेडल पुरस्कार प्राप्त गर्नेछन् । ४५ वर्षमाथि डबल्स्को विजेताले २०, उपविजेताले १० हजारसहित ट्रफी पुरस्कार पाउनेछन् । ५५ वर्षमाथिको सिंगल्स विजेताले ३०, उपविजेताले १५ हजारसँगै ट्रफी पाउँदा सेमिफाइनलिस्टले १० हजारसहित मेडल, ५५ वर्षमाथि डबल्स् विजेताले २०, उपविजेताले १५ हजारसँगै ट्रफी पाउँदा सेमिफाइनलिस्टले १० हजारसहित मेडल पुरस्कार प्राप्त गर्नेछन् ।
६५ वर्षमाथि सिंगल्सतर्फका विजेताले १५, उपविजेताले सात हजार पाँच सय र ट्रफी पाउँदा सेमिफाइनलिस्टले दुई हजार पाँच सय र मेडल, ६५ वर्षमाथि डबल्स्को विजेताले १० र उपविजेताले पाँच हजारसहित ट्रफी मेडल पुरस्कार प्राप्त गर्नेछन् ।