Skip This
सुक्खा पहिरो खस्दा सोमबार मध्यरातिबाट अवरुद्ध पृथ्वी राजमार्गको नागढुंगा–मुग्लिन सडकखण्ड मंगलबार दिउँसोबाट सञ्चालनमा आएको छ।
धादिङको बेनीघाट रोराङ गाउँपालिका– १०, जवाङखोला (बाँदरे मोड)मा खसेको सुक्खा पहिरो पन्छाएपछि दिउँसो ३ बजेबाट नागढुंगा–मुग्लिन सडक दुईतर्फी सञ्चालनमा आएको हो।
तर, मुग्लिन–नारायणघाट सडकको तुइनखोला पुलनजिकै फेरि पहिरो खसेपछि दिउँसो १ बजेबाट सडक आवागमन दुईतर्फी बन्द छ। निरन्तर ढुंगा झरेको कारण उपकरण सञ्चालन गरी पहिरो हटाउन समस्या रहेको सडक डिभिजन कार्यालय भरतपुरले जनाएको छ।
यो सडकको पहिरो पन्छाएर सोमबार साँझ मात्र दुईतर्फी सञ्चालनमा ल्याएको थियो। तर, राति नै पहिरो खस्दा केही समय अवरुद्ध भए पनि एकतर्फी सञ्चालनमा ल्याइएको सडकमा दिउँसो फेरि ठुलो पहिरो खसेको हो। राजधानी काठमाडौंलाई जोड्ने मुख्य नाकामा निरन्तर पहिरो खस्न थालेपछि दसैँको मुखमा यात्रा कठिन बनेको छ।
