- वि.सं २o८१ माघ ५ शनिबार
फुल्चोकीको जंगलमा हराएका दुई जनाको प्रहरीले स्थानीयको सहयोगमा उद्धार गरेको छ । शुक्रबार राती १० बजे उद्धारकर्ता दावा लामा(मिश्रण दाई)को सहयोगमा प्रहरीले उद्धार गरेको हो।
प्रहरी प्रभाग बाडेगाउँकी प्रहरी निरीक्षक अस्मिता कपालीका अनुसार शुक्रबार १४ जना जंगलमा घुम्न गएका थिए। ‘उनीमध्ये एक केटा र केटी छोटो बाटो खोज्दै जंगलमा छिरेर हराएका रहेछन्,’ उनले भनिन्,‘पाइला पछ्याउँदै गएर हामीले राती उद्धार गरेका हौं ।’ उनीहरुको मोबाइल समेत स्वीच अफ भएको थियो। साथीहरुले खबर गरेको आधारमा स्थानीय उद्धारकर्ता दावा लामाको सहयोगमा प्रहरीले उद्धार गरेको हो।
उद्धारकर्ता लामाले फुलचोकीको जंगलमा हराएका ६५ जनाभन्दा धेरैको उद्धार गरिसकेका छन्। पेशालृे चालक रहेका लामालाई फुल्चोकी जंगलको बारेमा विस्तृत जानकारी भएकाले जो हराउँदा पनि प्रहरीले उनकै सहयोगमा उद्धार गर्दै आएको छ।
