- वि.सं २o८१ पौष २७ शनिबार
राष्ट्रिय प्रजातन्त्र पार्टी राप्रपाले पृथ्वीनारायण शाहको ३०३औँ जन्म-जयन्ती तथा राष्ट्रिय एकता दिवसको अवसरमा काठमाडौंको भृकुटीमण्डपमा चियापान कार्यक्रम गरेको छ। भृकुटीमण्डपमा जारी चियापान समारोहमा प्रधानमन्त्रीदेखि विभिन्न दलका शीर्ष नेताहरू उपस्थित छन्।
चियापान समारोहमा प्रधानमन्त्री केपी शर्मा ओली, कांग्रेस सभापति शेरबहादुर देउवा, सभामुख देवराज घिमिरे, गृहमन्त्री रमेश लेखक, परराष्ट्रमन्त्री आरजु राणा, नेकपा एकीकृत समाजवादीका अध्यक्ष माधव नेपाल, रास्वपाका कार्यबाहक सभापति डिपी अर्याल महामन्त्री कवीन्द्र बुर्लाकोटी, सांसदहरू रामहरि खतिवडा, अमरेश सिंहलगायतको सहभागिता छ।
यस्तै, समारोहमा नेपाल विद्युत् प्राधिकरणका प्रबन्ध निर्देशक कुलमान घिसिङ, कलाकार दीपकराज गिरी पनि सहभागी छन्। समारोहअघि राप्रपाका अध्यक्ष राजेन्द्र लिङ्देनसहित शीर्ष नेताहरूले पृथ्वीनारायण शाहको शालिकमा माल्यार्पण गरेका थिए।
