- वि.सं २o८१ पौष २७ शनिबार
छायाँनाथ रारा नगरपालिकाले नयाँ पत्रिकाकर्मी अच्युतराज भण्डारीसहित ६ जना पत्रकारलाई सम्मान गरेको छ। शुक्रबार १६औँ नगर (विधेयक) सभाको उद्घाटन कार्यक्रममा नगरप्रमुख विष्णुकुमार भाम र नगर उपप्रमुख ऐश्वर्य मल्लले उनीहरूलाई सम्मान गरेका हुन्।
सो अवसरमा नगरप्रमुख भामले आफू जान्ने-बुझ्ने भएदेखि मुगु जिल्लाका आवश्यकता, जनगुनासा, विकास, स्वास्थ्य, जनजीवन, धार्मिक, सांस्कृतिक, पर्यटन, खेलकुद, अपराध, शान्तिसुरक्षा, विभेद्, भ्रष्टाचार, सुसासनलगायतका क्षेत्रमा सम्मानित पत्रकारहरूले कलम चलाएका समाचार पढ्दै, सुन्दै र हेर्दै आएको बताए। उनले पत्रकारहरू समाज र जनप्रतिनिधिका लागि ऐना भएको बताए।
