- वि.सं २o८१ पौष ६ शनिबार
बाराको जितपुर सिमरा उपमहानगरपालिका वडा नम्बर १ निवासी राजकुमार रुम्बाको शव कारमा फेला परेको छ । शनिबार बिहान जितपुर सिमरा उपमहानगरपालिका वडा नम्बर–११ स्थित सडकखण्डको छेउमा बागमती नम्बरको ०१–०२८–च–७६१६ नम्बरको कारबाट रुम्बाको शव फेला परेको बारा प्रहरीले जनाएको छ ।
अमाडार सडक खण्डको बाटोको साइडमा रोकी राखिएको कारभित्र उनको शव फेला परेको बारा प्रहरी प्रमुख एसपी महेन्द्र खड्काले बताए । उनका अनुसार टाउको पछाडि चोट लागेको जस्तो शव देखिएकोले हत्या गरिएको प्रहरीको अनुमान छ ।
रुम्बाको हत्या हो वा होइन त्यसबारे यकिन गर्नका लागि अनुसन्धान भईरहेको उनले बताए । घटनाको अनुसन्धानका लागि प्रदेश प्रहरी कार्यालयबाट ‘स्पेसल डग’ मगाउन लागिएको खड्काले बताए । बरामद शव पोष्टमार्टमका लागि नजिकको अस्पतालमा लैजाने तयारी भइरहेको छ ।
