- वि.सं २o८१ मङ्सिर २० बिहीबार
नेपाल दूरसञ्चार कम्पनी (नेपाल टेलिकम)ले एमपिओएस (मोबाइल प्वाइन्ट अफ सेल) रिचार्जमा बोनस अफर सार्वजनिक गरेको छ । टेलिकमले प्रिपेड तथा पोस्टपेड मोबाइल ग्राहकका लागि यो अफर सार्वजनिक गरेको हो ।
ग्राहकले ५० देखि ९९ रुपैयाँको रिचार्जमा तीन दिनका लागि २० मिनेट भ्वाइस बोनस पाउनेछन् । त्यस्तै, १०० देखि १९९ को रिचार्जमा तीन दिनका लागि ५० मिनेट भ्वाइस सेवा पाउनेछन् ।
त्यसैगरी, २०० देखि ४९९ को रिचार्जमा दुई दिनका लागि मान्य हुने प्रतिदिन दुई जिबी डेटा तथा ५०० भन्दा माथिको रिचार्जमा प्रत्येक दिन दुई जिबी डेटा बोनसस्वरूप प्राप्त गर्न सक्नेछन् ।
यसको अवधि चार दिनको हुनेछ । यो योजना आगामी १७ पुससम्म लागू हुनेछ । ग्राहकले रिचार्ज कार्डका साथै डिजिटल वालेट नमस्ते पे, इसेवा, खल्ती, आइएमई पेलगायतबाट रिचार्ज गर्न सक्नेछन् ।
