- वि.सं २o८१ कार्तिक १५ बिहीबार
संखुवासभाको मकालु गाउँपालिका– ५ फ्याक्सिन्दा दोभानमा टिपर दुर्घटना हुँदा अरुण तेस्रो जलविद्युत् परियोजनामा कार्यरत दुईजना भारतीय मजदुरको मृत्यु भएको छ ।
मकालु– ५ फ्याक्सिन्दा दोभानमा एचपी ११–४९३३ नम्बरको टिपर बुधबार साँझ दुर्घटना भएको जिल्ला प्रहरी कार्यालयका प्रहरी नायब उपरीक्षक दक्षकुमार बस्नेतले जानकारी दिए । दुर्घटनामा परेर अरुण तेस्रो परियोजनामा कार्यरत टिपरचालक भारतीय नागरिक ५७ वर्षीय शैलेन्द्रप्रताप सिंह र टिपरमा सवार २९ वर्षीय सारुक महमदकाे ज्यान गएकाे छ ।
दुर्घटनामा परेर अन्य दुईजना घाइते भएका छन् । उनीहरू पनि भारतीय नागरिक नै हुन् । उनीहरूको खाँदबारीस्थित जिल्ला अस्पतालमा उपचार भइरहेको छ ।
2024-09-18-01-30-27.gif)
2024-09-18-01-30-29.gif)
