अरिट इन्टरनेसनलले वन्यजन्तु संरक्षणमा सहयोग गर्ने 

अरिट  इन्टरनेसनलले वन्यजन्तु संरक्षणमा सहयोग गर्ने भएको छ । अरिटले कर्पाेरेटको  सामाजिक उत्तरदायित्वअन्तर्गत  आफ्ना ग्राहकहरूलाई चितवनमा संकटापन्न प्रजाति र तिनीहरूको आवासको संरक्षणका लागि सहयोग गर्ने भएको हो । 

त्यस्तै, अरिटले प्रत्येक सवारीसाधन बिक्रीमा खाद्य तथा शिक्षा प्रदान गर्ने फुड फर लाइफ र होस्टेहाइँसेसँगको वर्तमान साझेदारीलाई आधार मान्दै, अब आफ्ना ग्राहकहरूलाई शिक्षा, पोषण वा वन्यजन्तु संरक्षणमा योगदान दिने विकल्प प्रदान गर्दछ।

‘यस पहलले चितवनको धनी वन्यजन्तु, जस्तै बंगाल टाइगर, एकसिंगे गैंडा र एसियाली हात्तीको संरक्षण गर्न लक्ष्य राख्दछ। यस कार्यलाई समर्थन गर्नु भनेको मानिस र वन्यजन्तु शान्तिपूर्वक सहअस्तित्व गर्ने भविष्य सुनिश्चित गर्नु हो,’ अरिटले भनेको छ । 

अरिट इन्टरनेसनलले व्यावसायिक सफलता र वातावरणीय तथा सामाजिक जिम्मेवारीलाई एकसाथ मिलाउँदै दिगोपनसँगको व्यापारिक वृद्धिमा प्रतिबद्ध रहने जनाएको छ । अरिट इन्टरनेसनल एक विलासी मोटर कम्पनी हो ।