- वि.सं २o८१ असोज ३० बुधबार
फ्रान्सले युरोपियन नेसन्स लिगमा लगातार तेस्रो जित निकालेको छ । फ्रान्सले बेल्जियमलाई २–१ ले पराजित गरेको छ । बेल्जियमको घरेलु मैदानमा भएको खेलमा फ्रान्सलाई जित दिलाउन रान्डल कोलो मुअनीले दुई गोल गरेका थिए ।बेल्जियमका लागि लोइस ओपेन्डाले एक गोल फर्काए । खेलको २३औँ मिनेटमा टिएलेम्यान्सले पेनाल्टीमा गोल गर्न नसक्दा बेल्जियमले अग्रता बनाउने अवसर गुमाएको थियो ।
फ्रान्सले खेलको ३५औँ मिनेट मुअनीले पेनाल्टी गोलको सहयोगमा १–० को अग्रता लियो । बेल्जियमले पहिलो हाफको इन्जुरी समयमै बराबरी गोल फर्काउन सफल भयो । बेल्जियमका लागि ओपेन्डाले पेनाल्टीमा गोल गरे । खेलको ६२औँ मिनेटमा मुअनीले फ्रान्सलाई २–१ को अग्रता दिलाए ।
७६औँ फ्रान्स १० खेलाडीमा सीमित भएको थियो । बेल्जियमले त्यसको फाइदा उठाउन सकेन । प्रतिस्पर्धामा फ्रान्सका केलियन एम्बाप्पेले विश्राम पाएका थिए । अर्को खेलमा इटालीले इजरायललाई ४–१ ले हरायो । समूह ‘ए’को २ मा इटालीले ४ खेलबाट १० अंक जोडेको छ । इटाली शीर्ष स्थानमा छ । ९ अंकका साथ फ्रान्स दोस्रो स्थानमा छ । चार अंक जोडेको बेल्जियम तेस्रो स्थानमा र इजरायल अंकविहीन छ ।
