![](https://nayapatrika.blr1.cdn.digitaloceanspaces.com/news/images/shiva2024-07-03-10-51-37.jpeg)
विश्वचर्चित पुस्तक ‘यु क्यान विन’का लेखक शिव खेरा आफ्ना प्रेरणादायी भाषणका कारण युवामाझ लोकप्रिय छन् । विद्यार्थीलाई यी भारतीय लेखकले दिएका केही सुझाव यस्ता छन् :
- परीक्षामा फेल हुनु वा कम अंक ल्याउनु र जीवनमा फेल हुनु एउटै होइन । सफलता आज पनि सहज छ र अवसर पनि छ । परीक्षामा ल्याएको अंक मात्रै
ठूलो होइन ।
- पुरानो कुराको चिन्ता नगर्नुस् । कडा मिहिनेत गर्ने इच्छाशक्ति निर्माण गर्नुस् । सबै ठीक हुनेछ ।
- आफ्नो लक्ष्य निर्धारण गर्नुस् । यसले तपाईंलाई कहाँ जाँदै छु भन्ने जानकार गराउँछ । सफलताका लागि उत्प्रेरित गर्छ ।
- सधैँ सकारात्मक दृष्टिकोण तय गर्नुस् ।
- नयाँ–नयाँ सीप सिक्ने प्रयास गर्नुस् । प्राविधिक सीप सफलताका लागि महत्वपूर्ण छ । सीपले नै करिअरको शिखरमा लैजान्छ । तर, सीपभन्दा धेरै भूमिका तपाईंभित्र लुकेकोे इच्छाशक्तिको हुन्छ ।
- तपाईंले आफूलाई गर्ने मार्केटिङ पनि सफलताका लागि आवश्यक छ । इमानदारिता र विनम्रता यसका लागि आवश्यक छ । यो रणनीति होइन, बरु जीवनको महत्वपूर्ण मान्यता हो ।